Enti Shtetëror i Farave dhe Fidanëve
Bashkëpunojmë me organizmat ndërkombëtarë UPOV, CPOV, OECD, ISTA, si edhe me institucionet homologe të BE
- Rreth Eshff
ESHFF, ka për qëllim mbrojtjen e interesave të fermerit.
Enti Shtetëror i Farërave dhe Fidanëve (ESHFF), me seli në Tiranë, është institucion në varësi të Ministrisë së Bujqësisë dhe Zhvillimit Rural me financim nga buxheti i shtetit dhe ka si objekt të punës së tij zbatimin e kërkesave të Ligjit nr. 10416, datë 7.4.2011, “Për materialin mbjellës dhe shumëzues bimor”, si dhe të akteve nënligjore, të miratuara, në zbatim të tij.
ESHFF, ka për qëllim mbrojtjen e interesave të fermerit, shtimin e materialit mbjellës dhe shumëzues bimor, shtimin e varieteteve të reja në treg, rritjen e treguesve cilësorë të materialit mbjellës qe tregtohet, si edhe për të siguruar një konkurence të ndershme tregu.
Ne monitorojmë rrjetin zonal për provat krahasuese për testim të cilave u nënshtrohen varietetet e reja të prodhuara në vend ose të importuara për riprodhim, shumëzim e tregtim. Mbi bazën e rezultateve të provave krahasuese dhe metodave laboratorike bën vlerësimin dhe regjistrimin në Katalogun Kombëtar(KK).
Bashkëpunojmë me organizmat ndërkombëtare UPOV, CPOV OECD ISTA, si edhe me institucionet homologe të BE, për përditësimin e kritereve unnifikuese që aplikohen për testimin dhe çertifikimin e materialit mbjellës dhe shumëzues bimor.
Certifikim i Sigurt dhe i Standardeve Europiane
Garanci për Cilësi dhe Origjinë
Regjistrim dhe Monitorim i Varieteteve
Mbështetje për Fermerët
- Përgjegjësitë tona
Përgjegjësitë
Enti Shtetëror i Farërave dhe Fidanëve ka si përgjegjësi kryesore mbikëqyrjen e cilësisë së farërave dhe fidanëve, zbatimin e legjislacionit për mbrojtjen e varieteteve bimore, si dhe sigurimin e standardeve për prodhim, certifikim dhe tregtim të materialit mbjellës në Shqipëri.
Ndjek procedurat për të gjitha hallkat e prodhimit, riprodhimit, shumëzimit, përpunimit dhe ruajtjes së materialit mbjellës dhe shumëzues bimor deri në vendosjen e tij në treg
Monitoron rrjetin zonal për provat krahasuese për testim të cilave u nënshtrohen varietetet e reja të prodhuara në vend ose të importuara për riprodhim, shumëzim e tregtim. Mbi bazën e rezultateve të provave krahasuese dhe metodave laboratorike bën vlerësimin dhe regjistrimin në Katalogun Kombëtar(KK).
Laboratori Qëndrorë i Testimit të Farërave kryen analizat laboratorike për treguesit cilësorë të farës, për të gjitha mostrat e ardhura për qëllim certifikimi, si dhe për të kryer vlerësime të riskut mbi materialin mbjellës shumëzues bimor të importuar, duke identifikuar potencialin e rrezikut për cilësinë dhe sigurinë e farës. Të gjitha aktivitetet laboratorike realizohen duke u bazuar në metodologjinë e ISTA dhe në përputhje me standardet e saktësisë dhe gjurmueshmërisë, duke garantuar rezultate të besueshme dhe të dokumentuara plotësisht.
- Shërbimet tona
Shërbimet
Shërbimet e ESHFF përfshijnë testimin dhe certifikimin e farërave dhe fidanëve, regjistrimin e varieteteve të reja, pajisjen me licenca për furnizuesit, si dhe publikimin e katalogëve dhe listave zyrtare. Enti ofron gjithashtu asistencë teknike për fermerët dhe institucionet kërkimore.
APLIKIM PËR AUTORIZIME IMPORTI TË VEÇANTA
APLIKIM PËR RIETIKETIM DHE RIAMBALAZHIM
APLIKIM PËR CERTIFIKATË ZYRTARE PËR "FARËRA"
REGJISTRIMI I VARIETETEVE NË KATALOGUN KOMBËTAR
TESTIMI I VARIETETIT, SPECIES OSE HIBRIDIT
APLIKIM PËR CERTIFIKATË ZYRTARE PËR "FIDANË"
Dokumente Zyrtare dhe Informative
Shkarko rregulloren në fuqi, katalogun kombëtar të varieteteve dhe listën e furnizuesve të licencuar për farëra dhe fidanë.
- Struktura
Struktura administrative
Struktura administrative përbëhet nga anëtarë listuar si më poshtë.
Luiza Sallaku
Drejtori
luiza.sallaku@eshff.gov.al
Dorian Metaliu
Përgj, Sekt Certifikimit
dorian.metaliu@eshff.gov.al
Entela Lloshi
Përgj. Sekt Laboratorit
entela.lloshi@eshff.gov.al
Afërdita Pici
Përgj. Sekt Financës
aferdita.pici@eshff.gov.al
Hona Herri
Përgj. e Komanduar, Sekt, Testimit
hona.herri@eshff.gov.al
Çertifikatë Akreditimi
Laboratori Qëndror i Testimit të Farave është akredituar për kryerjen e testeve në përputhje me standardin S SH ISO/IEC 17025:2017 – “Kërkesa të Përgjithshme për Kompetencën e Laboratorëve Testues dhe Kalibrues”.
Ky akreditim garanton që të gjitha testimet tona kryhen sipas praktikave më të larta profesionale dhe standardeve ndërkombëtare të cilësisë.
